感謝支持 「Subanana PLUS」！ 呢個教學主要係講解吓 「Subanana PLUS」 入面既主要功能同使用方法。無論係新手抑或老手都不妨睇睇呢份說明書，助你極速摸熟上字幕嘅方法同技巧，要上咩字幕都完全無難度！
工具簡介：
「Subanana PLUS」字幕產生器嘅主要功能係「智能轉譯」，以 AI 智能代替真人聽寫 + 謄錄步驟，不但適用於多種影音檔案，仲支援「翻譯功能」，比起傳統文字轉錄形式，省卻高達 80% 操作時間！
適用場景：
謄錄、速錄、錄音轉文字、中英文翻譯，等等。
1. 新增專案
撳番個 Login 制，登入番你申請咗 Subanana PLUS 嘅 Google Account
Login 後，你就會去到呢個版面：
1. 專案列表：呢度有齊你開過嘅專案，撳入去就可以睇到詳情同埋開始上字幕
2. Filter：輸入 Keyword / Tag 就可以幫你快手搵番想睇嘅專案
3. 新增專案：需要為新影片上字幕就可以撳呢度
撳入「新增專案」之後，就會去到呢個版面：
先選擇好影片內容嘅語言（入面講廣東話記得要撳番廣東話，唔係嘅話出嚟嘅字幕就會變火星文㗎啦！）
然後「上載影片」，有兩個方法：
1. 貼上你嘅 YouTube 影片嘅連結（記得要將影片嘅公開設定設成公開／非公開！而啱啱上傳無耐嘅影片亦要等待 YouTube 出到正式 HD 畫質先可以上傳至 Subanana）
2. 由你部電腦上傳影片（影片格式為不大於 5GB 之 mp4 影片檔案）
**選擇好正確嘅影片語言，再上載好之後，就可以撳確認制，你就可以坐等 AI 幫你上字幕喇（AI 生成字幕需時，如果影片有一定長度，可以行開沖杯咖啡再埋位睇睇～）**
2. 專案介面
上字幕嘅介面分成咗幾個部份：
a. 字幕預覽
b. 字幕編輯
c. 時間軸
d. 翻譯功能
e. 下載字幕
a. 字幕預覽
展開／收埋快捷鍵列表：撳右下方嘅「?」按鈕
撳「改變版面」按鈕：收起部份功能，就可以減輕電腦負擔
b. 字幕編輯
想刪除整句：撳右手邊「垃圾筒」圖示
修改字幕時間： 左 Click 時間碼位置(如上圖箭咀4)
搜尋和替換：如果你有錯字想改，可以用呢個功能一次過改曬你想改嘅字
分隔字幕：喺編輯位置撳Shift + Enter
c. 時間軸
確認後，就會出咗條新嘅「同步字幕軌」，就可以編輯你想要嘅語言
想修改字幕時間，可以：
撳 D / F：修改字幕結束消失嘅時間
撳左 Click 拖拽：直接調校字幕開始／結束時間
合併字幕去上一句：撳 Shift + A
合併字幕去下一句：撳 Shift + F
新增新句子：喺時間軸空白位置 Double 左 Click
刪除當前句子：撳 Shift + Delete
鬆開貼實咗嘅句子：撳 Alt + S / D
進階——多項移動位置：如果需要同時移動多段字幕，你可以撳 Alt + Shift，再左 Click 你需要移動嘅部份，拖啱位置後就可以撳 Esc 完成整個動作
d. 翻譯功能
需要時你可以將廣東話字幕翻譯成書面語，甚至英文都得：
選擇好你需要翻譯嘅語言，撳多吓[確認]就可以坐等 AI 幫你翻譯好你條字幕喇！
e. 下載字幕
撳右上角「下載字幕」，你會見到兩個選項：
撳左手邊，選擇好你起好咗嘅字幕，再撳「下載」，就搞掂啦！
如果選擇多於一條字幕軌，將會分成兩條 .srt 獨立下載
建立合併字幕：
可於有多於一條字幕軌時使用（例如：中文加英文），而兩條字幕必須係保持「同步中」嘅狀態，兩條字幕軌將會合併至同一 .srt 字幕檔中
搞掂！：
按此 試用自動字幕工具「Subanana PLUS」
冇時間自己打？我哋仲有「Subanana PREMIUM」，按此 參閱詳情。