Subanana PLUS

常見問題

Subanana PLUS 同 Subanana FREE 有咩分別？

最主要嘅分別係自由度。一直以來都有唔少嘅用戶同我哋反映想要一個以月費形式收費嘅版本，用戶可以自己上載影片，唔受檔案大小同影片時長限制。

千呼萬喚始出來，我哋綜合咗用戶們嘅意見，推出 Subanana PLUS，等用戶可以更自主咁編輯佢哋嘅字幕，唔再受任何限制。

除此之外，Subanana PLUS 亦配備更多功能嘅全新介面，而 Subanana 團隊亦會致力為 Subanana PLUS 定期作出版本更新，務求令用家們得到更方便完整嘅製作字幕體驗。

唔識用，點算？

隨時 WhatsApp / Facebook 搵我哋。

點畀錢？

我哋接受轉數快 (FPS) 同銀行轉賬付款。

個字幕係咪會加埋入條片度㗎？

使用 Subanana PLUS 嘅時候 ，你可以喺編輯好你嘅字幕之後，喺右上角㩒一下 「下載字幕」 嘅掣，就可以下載到字幕檔 (.srt)。

之後你可以利用影片編輯軟件 （例如： Premiere Pro, Final Cut Pro等等）再自行將字幕加入影片當中。如果影片會上載到 YouTube，都可以選擇利用 YouTube 嘅 CC 字幕功能，直接上傳字幕檔。詳細上字幕嘅方法可以參考喺我哋 網誌 入面嘅教學！

你哋支援邊啲字幕語言？

Subanana PLUS 支援廣東話影片嘅口語同書面語字幕，至於其他語言，你可以另外人手加多條字幕軌。

系統有無話有咩需求？

Mac OS / Windows - 8GB Ram