5 個熱門 AI 字幕工具大對決！廣東話語音轉書面語文字誰最準確？

作者: Coco Siu, 17 Oct 2023

唔知各位平時用開咩軟件上字幕呢？人工智能嘅字幕轉譯近年成為大勢，可以快自動幫影片快速上字幕真係造福咗一眾忙碌嘅創作者～今次我哋就比較咗巿面上唔同嘅字幕軟件，同樣都係選用人工智能轉譯，除咗語音識別嘅準確度表現外，各自仲會有咩優缺點呢？

首先簡單介紹吓今次嘅選手：

字幕工具	簡介
Subanana	- 由香港人，為香港人、廣東話打造嘅字幕軟件 - 基本免費使用及付費功能
Adobe Premiere Pro	- 知名後製軟件 - 7 天免費試用
ArcTime	- 來自內地嘅後製軟件 - 需充值積分購買字幕服務
Taption	- 來自台灣嘅字幕軟件 - 每個帳戶首 15 分鐘影音免費
pyTranscriber	- 使用 Google 語音識別 API - 開源免費字幕軟件

評測會分三部分：

分別測試喺以下三大香港創作常見狀況下，各個軟件嘅轉譯表現。今次嘅評測選用多「中英夾雜」，同「特別名詞、品牌」嘅「今期熱話: 日本Sharp AQUOS XLED 發佈第二代電視系列」(影片一) 同包含各種「背景雜音」嘅「新聞刺針」(影片二)。

喺各個上字幕軟體入面，只有 Subanana 支援由「口語」影音直接輸出「書面語」字幕，自動轉埋「書面語」非常適合志在面向眾多中文地區觀眾、需要「書面語」字幕嘅創作者。

針對影片一，各軟件嘅語音識別字幕「轉譯準確率」由 85-97% 不等，其中 Subanana 嘅轉譯準確率去到 97.5%，喺「中英夾雜」嘅情況表現相當理想，除咗能夠準確識別英文外，大部分名詞 / 品牌仲會由英文自動轉譯做中文，令字幕更流暢易讀，準確率會比其他 AI 高約 10%！

再睇影片二，Subanana 嘅轉譯準確率依舊 keep 到 90% 以上，有 93.4%；其他轉譯軟件就只去到 70-80%，相信係由於喺識別具「背景雜音」嘅語音上，Subanana 比其他軟件更為出色。

其他基本性能例如「字幕語言」同「輸出檔案」，各個軟件都支援到「兩文三語」同「輸出 .srt / .txt」，香港嚟講夠曬用。

支援嘅影音上傳格式都係差唔多，值得一提嘅係 Subanana 同 Taption 仲支援以 YouTube Link 上傳，方便一眾想為已上載影片加返字幕嘅創作者。

一個再好嘅自動上字幕工具，電腦跑唔起都係嘥氣，各個字幕軟件有咩系統要求呢？

總結